సినిమా కబుర్లు.. సంక్షిప్త సమాచారం

 *  అజయ్ దేవగణ్ హీరోగా హిందీలో రూపొందుతున్న 'మైదాన్' చిత్రం నుంచి  ఇటీవల కథానాయిక కీర్తి సురేశ్ తప్పుకున్న సంగతి తెలిసిందే. ఇక ఆమె స్థానంలో తాజాగా ప్రియమణిని తీసుకున్నట్టు తెలుస్తోంది. వయసు రీత్యా ఆ పాత్రకు ప్రియమణి సరిగ్గా సరిపోతుందని దర్శక నిర్మాతలు భావించారట.  

*  విజయ్ దేవరకొండ హీరోగా పూరి జగన్నాథ్ రూపొందించే 'ఫైటర్' చిత్రం షూటింగ్ రేపటి నుంచి ముంబైలో జరుగుతుంది. తెలుగు, హిందీ భాషల్లో ఏకకాలంలో నిర్మిస్తున్న ఈ చిత్రంలో కథానాయికగా అనన్య పాండేను ఎంచుకున్నట్టు తాజా సమాచారం.  

*  వీఐ ఆనంద్ దర్శకత్వంలో రవితేజ హీరోగా నటించిన 'డిస్కో రాజా' చిత్రం విడుదలకు సిద్ధమవుతోంది. ఈ నేపథ్యంలో ఈ చిత్రానికి సీక్వెల్ చేసే ఉద్దేశం కూడా తమకు వుందని రవితేజ చెప్పాడు. ఇక, డిస్కో రాజా తన అభిమానులకు బాగా నచ్చుతుందని, షూటింగులో తాను ఎంతగానో ఎంజాయ్ చేశానని రవితేజ చెప్పాడు.